പലിശ നിരക്ക് കുറയ്ക്കുറയ്ക്കുമെന്ന സാമ്പത്തിക വിദഗ്ധരുടെ കണക്കുക്കൂട്ടലുകൾക്കിടയിൽ സെൻട്രൽ ബാങ്ക് ഇന്ന് പലിശ നിരക്ക് പ്രഖ്യാപിക്കും. മൂന്നാം തവണയും നിരക്ക് കാൽ ശതമാനം കുറയ്ക്കുമെന്ന് സാമ്പത്തിക വിദഗ്ധർ പറയുന്നത്. നിലവിൽ 4.5 ശതമാനമാണ് പലിശ നിരക്ക്.
രണ്ടാം പാദത്തിൽ ബാങ്ക് ഓഫ് കാനഡ പ്രതീക്ഷിച്ചതിലും ശക്തമായ സാമ്പത്തിക വളർച്ചയുണ്ടായിട്ടുണ്ട്. സമ്പദ്‌വ്യവസ്ഥ 2.1 ശതമാനം വാർഷിക വളർച്ച കൈവരിച്ചതായി സ്റ്റാറ്റിസ്റ്റിക്സ് കാനഡ പറയുന്നു. യഥാർത്ഥ മൊത്ത ആഭ്യന്തര ഉൽപ്പാദനം ജൂൺ മാസത്തിൽ മാറ്റമില്ലാത്തതിനാൽ മൊത്തത്തിലുള്ള സാമ്പത്തിക വളർച്ചയും പാദത്തിൻ്റെ അവസാനത്തോടെ നിലച്ചു.
ഈ മാസം ബാങ്ക് ഓഫ് കാനഡയും യുഎസ് ഫെഡറൽ റിസർവും നിരക്ക് ക്വാർട്ടർ പോയിൻ്റ് കുറയ്ക്കുമെന്ന് പ്രതീക്ഷിക്കുന്നതായി സ്കോഷാ ബാങ്ക് ക്യാപിറ്റൽ മാർക്കറ്റ് ഇക്കണോമിക്‌സ് വൈസ് പ്രസിഡൻ്റ് ഡെറക് ഹോൾട്ട് പറഞ്ഞു. ബാങ്ക് ഓഫ് കാനഡയുടെ പലിശ നിരക്ക് പ്രഖ്യാപനം കഴിഞ്ഞ് രണ്ടാഴ്ചയ്ക്ക് ശേഷം സെപ്തംബർ 18 ന് ഫെഡറൽ റിസർവ് അടുത്ത നിരക്ക് തീരുമാനം.
രണ്ടാം പാദത്തിൽ സമ്പദ്‌വ്യവസ്ഥ പ്രതീക്ഷിച്ചതിലും കൂടുതൽ വളർന്നപ്പോൾ, മെയ്, ജൂൺ മാസങ്ങളിൽ വളർച്ച കുത്തനെ കുറഞ്ഞു, മൂന്നാം പാദം പ്രവചനത്തേക്കാൾ ദുർബലമാകുമെന്ന് സൂചിപ്പിക്കുന്നതായി പിറ്റൽ ഇക്കണോമിക്‌സിൻ്റെ ഡെപ്യൂട്ടി ചീഫ് നോർത്ത് അമേരിക്ക ഇക്കണോമിസ്റ്റ് സ്റ്റീഫൻ ബ്രൗൺ പറഞ്ഞു.
പണപ്പെരുപ്പം മന്ദ​ഗതിയിലാണെങ്ങിൽ നിരക്ക് കുറയ്ക്കുന്നത് തുടരുമെന്ന് ബാങ്ക് ഓഫ് കാനഡ ​ഗവർണർ ടിഫ് മക്ലം പറഞ്ഞിരുന്നു.