ഏറ്റവും പുതിയ എക്‌സ്‌പ്രസ് എൻട്രി നറുക്കെടുപ്പിലൂടെ (ITA) 6,300 അപേക്ഷകർക്ക് ഇൻവിറ്റേഷൻ നൽകി ഇമിഗ്രേഷൻ, റെഫ്യൂജീസ്, സിറ്റിസൺഷിപ്പ് കാനഡ (IRCC). കോംപ്രിഹെൻസീവ് റാങ്കിംഗ് സിസ്റ്റത്തിൻ്റെ (CRS) കട്ട്ഓഫ് സ്കോർ 515 ഉള്ള കനേഡിയൻ എക്സ്പീരിയൻസ് ക്ലാസ് (CEC) ഉദ്യോ​ഗാർത്ഥികളെയാണ് നറുക്കെടുപ്പിന് പരി​ഗണിച്ചത്.
ഇതുവരെ ആറ് നറുപ്പെടുപ്പുകളിലായി 17,361 ഉദ്യോ​ഗാർത്ഥികൾക്ക് ഐആർസിസി ഇൻവിറ്റേഷൻ നൽകി. മെയ് മാസത്തിലെ ആദ്യ CEC എക്സ്പ്രസ് എൻട്രി നറുക്കെടുപ്പിൽ അയച്ച ഇൻവിറ്റേഷനെക്കാൾ ഇരട്ടിയിലേറെയാണിത് ഈ നറുക്കെടുപ്പിൽ പരി​ഗണിച്ചത്.