ടൊറൻ്റോയിലും ഗ്രേറ്റർ ടൊറൻ്റോ ഏരിയയിലും (ജിടിഎ) ഈ ആഴ്‌ച ശക്തമായ ചൂട് അനുഭവപ്പെടുമെന്ന് എൻവയോൺമെന്റ് കാനഡ. ടൊറൻ്റോയിൽ ഇന്ന് പകൽസമയത്തെ ഉയർന്ന താപനില 19 ഡിഗ്രി സെൽഷ്യസ് വരെ ഉയരുമെങ്കിലും ചൊവ്വാഴ്ചയോടെ താപനില 23 ഡിഗ്രി സെൽഷ്യസിൽ എത്താം. ബുധനാഴ്‌ച പകൽസമയത്തെ ഉയർന്ന താപനില 24 ഡിഗ്രി സെൽഷ്യസിനൊപ്പം ഈർപ്പവുമായി കൂടിച്ചേർന്ന് 27 ഡിഗ്രി സെൽഷ്യസായി അനുഭവപ്പെടുമെന്നും ഏജൻസി പറയുന്നു.
വ്യാഴാഴ്‌ച താപനില 26 ഡിഗ്രി സെൽഷ്യസിനൊപ്പം ഈർപ്പവുമായി കൂടിച്ചേർന്ന് 31 സി ആയി അനുഭവപ്പെടും, തുടർന്ന് വെള്ളിയാഴ്ച 27 ഡിഗ്രി സെൽഷ്യസ് 33 സി ആയി അനുഭവപ്പെടുന്നതോടെ ആഴ്‌ചാവസാനത്തോടെ ഈ ആഴ്ച കടുത്ത ചൂട് അനുഭവപ്പെടാം.
ടൊറൻ്റോയിൽ ഉച്ചതിരിഞ്ഞ് മഴയ്ക്കും ഇടിമിന്നലിനും 80 ശതമാനം സാധ്യതയുണ്ടെന്നും വൈകുന്നേരത്തോടെ ആകാശം തെളിഞ്ഞുവരുമെന്ന് പ്രതീക്ഷിക്കുന്നു.
സെപ്റ്റംബറിൽ താപനിലയിൽ പലപ്പോഴും വ്യത്യാസപ്പെടുന്നു. എന്നാൽ, കാനഡയുടെ ഭൂരിഭാഗവും മാസാവസാനത്തോടെ സാധാരണയേക്കാൾ ചൂട് അല്ലെങ്കിൽ സാധാരണ താപനിലയ്ക്ക് കടക്കും.
1991 മുതൽ, ടൊറൻ്റോയിലെ സെപ്റ്റംബറിലെ പ്രതിദിന ശരാശരി താപനില 18 C ആണ്. പ്രതിദിനം കുറഞ്ഞ താപനില14 C ഉം കൂടിയത് 22 C ഉം ആണ്. ഒക്ടോബറിൽ പ്രതിദിന ശരാശരി താപനില 11 C ഉം പരമാവധി പ്രതിദിന താപനിലയും 15 ഡി​ഗ്രി സൈൽഷ്യസുമാണ്.