ഇമിഗ്രേഷൻ, റെഫ്യൂജീസ് ആൻഡ് സിറ്റിസൺഷിപ്പ് സ്റ്റുഡൻ്റ് വിസയിൽ കാനഡയിൽ പ്രവേശിച്ച വിദേശ വിദ്യാർത്ഥികളിൽ നിന്ന് 10,000 പേരുടെ സ്വീകാര്യത കത്തുകൾ വ്യാജമാണെന്ന് കണ്ടെത്തി. ഈ വ്യാജ കത്തുകളിൽ 80 ശതമാനവും ഇന്ത്യൻ സംസ്ഥാനങ്ങളായ ഗുജറാത്ത്, പഞ്ചാബ് എന്നിവിടങ്ങളിൽ നിന്നുള്ള വിദ്യാർത്ഥികളുമായി ബന്ധപ്പെട്ടവയാണെന്ന റിപ്പോർട്ടുകളാണ് പുറത്ത് വരുന്നത്. കൂടാതെ ഈ കത്തിലെ കാര്യങ്ങൾ വ്യാജമമെന്ന കണ്ടെത്തിയതിനെ തുടർന്ന് ഇത് നിലവിൽ കാനഡയിൽ പഠിക്കുന്ന 7,000 മുതൽ 8,000 വരെ ഇന്ത്യൻ വിദ്യാർത്ഥികളെ നാടുകടത്താൻ ഇടയാക്കിയേക്കും. കൂടാതെ വിദ്യാർത്ഥികളുടെ സ്വീകാര്യത കത്ത് വ്യാജമാണെന്ന് കണ്ടെത്തിയത്തിൽ ഇന്ത്യൻ വിദ്യാർത്ഥികളുടെ പ്രവേശനം റദ്ദാക്കുകയും അവരെ ഇന്ത്യയിലേക്ക് നാടുകടത്തുകയും ചെയ്യുമെന്ന റിപ്പോർട്ടുകളാണ് നിലവിൽ ഇമിഗ്രേഷൻ, റെഫ്യൂജീസ് ആൻഡ് സിറ്റിസൺഷിപ്പ് വ്യക്തമാകുന്നത്. ഇന്ത്യയും കാനഡയും തമ്മിലുള്ള നിലവിലെ സംഘർഷങ്ങൾ കണക്കിലെടുക്കുമ്പോൾ, ട്രൂഡോ സർക്കാർ ഈ വിഷയങ്ങൾക്കെതിരെ ശക്തമായ നിലപാട് സ്വീകരിക്കുമെന്ന് വിസ വിദഗ്ധൻ പങ്കജ് പട്ടേൽ മാധ്യമങ്ങളോട് പ്രതികരിച്ചു. കഴിഞ്ഞ 10 മാസത്തിനിടെ അവലോകനം ചെയ്ത 5,00,000 സ്വീകാര്യത കത്തുകളിൽ 93 ശതമാനവും യഥാർത്ഥമാണെന്ന് സ്ഥിരീകരിച്ചതായും എന്നാൽ ബാക്കിയുള്ള 2% വ്യാജമാണെന്ന് ഐആർസിസിയിലെ ഒരു ഉദ്യോഗസ്ഥൻ വ്യക്തമാക്കിയതായി ഗുജറാത്ത് സമാചാർ റിപ്പോർട്ട് ചെയ്തിട്ടുണ്ട്. കൂടാതെ സ്ഥാനാർത്ഥികളുടെ 1% സീറ്റുകൾ റദ്ദാക്കിയതായി കണ്ടെത്തുകയും, ബാക്കിയുള്ള സ്ഥാപനങ്ങൾ ആവശ്യമായ രേഖകൾ നൽകുന്നതിൽ പരാജയപ്പെട്ടതായും റിപ്പോർട്ട് ചെയ്തിട്ടുണ്ട്. അതേസമയം കനേഡിയൻ ഗവൺമെൻ്റിൻ്റെ അന്വേഷണവും ഈ സ്വീകാര്യത കത്തുകൾ സ്വതന്ത്രമായി നൽകുന്ന വഞ്ചനാപരമായ വിസ കൺസൾട്ടൻസി സ്ഥാപനങ്ങൾ നടത്തുന്ന നിരവധി അഴിമതികൾ എടുത്തുകാണിക്കുന്നുമുണ്ട്.