സാൽമൊണല്ല മലിനീകരണത്തിന് സാധ്യതയുള്ളതിനാൽ ഒയാസിസ് ട്രഷേഴ്സ് നിർമ്മിച്ച പിസ്ത ദുബായ് ചോക്കലേറ്റ് ബാർ തിരിച്ചുവിളിച്ച്
കനേഡിയൻ ഫുഡ് ഇൻസ്പെക്ഷൻ ഏജൻസി (CFIA). നുനാവുട്ടും യൂക്കോണും ഒഴികെ കാനഡയിലെ മിക്കയിടത്തും വിറ്റ ചോക്ലേറ്റ് ബാറുകളിലേക്കാണ് തിരിച്ചുവിളിക്കുന്നത്.
ചോക്ലേറ്റ് ഉപേക്ഷിക്കുകയോ വാങ്ങിയ സ്റ്റോറിൽ തിരികെ നൽകുകയോ ചെയ്യണമെന്ന് ആരോഗ്യ ഉദ്യോഗസ്ഥർ ‌പറയുന്നു. തിരിച്ചുവിളിച്ച ഉൽപ്പന്നം കഴിച്ചവർക്ക് ആരോ​ഗ്യ പ്രശ്നങ്ങൾ അനുഭവപ്പെടുന്നുണ്ടെങ്കിൽ ഡോക്ടറെ സമീപിക്കണമെന്നും CFIA വ്യക്തമാക്കുന്നു.
സാൽമൊണെല്ല കലർന്ന ഭക്ഷണം കേടായതായി കാണപ്പെടുകയോ മണക്കുകയോ ചെയ്യില്ല, എന്നാൽ ഇത് ആരോ​ഗ്യ പ്രശ്നങ്ങൾക്ക് കാരണമാകുമെന്ന് റിപ്പോർട്ട് പറയുന്നു. ചോക്ലേറ്റ് കഴിച്ചതുമായി ബന്ധപ്പെട്ട് അസുഖങ്ങളൊന്നും ഇതുവരെ റിപ്പോർട്ട് ചെയ്യപ്പെട്ടിട്ടില്ലെന്ന് കനേഡിയൻ ഫുഡ് ഇൻസ്പെക്ഷൻ ഏജൻസി വ്യക്തമാക്കി.