ഹെൽത്ത്‌കെയർ ജോലിക്കായുള്ള കാറ്റ​ഗറി അടിസ്ഥാനത്തിലുള്ള നറുക്കെടുപ്പിലൂടെ 3,500 ഉദ്യോ​ഗാർത്ഥികൾക്ക് ഇൻവിറ്റേഷൻ നൽകി ഐആർസിസി. ഈ ആഴ്‌ചയിലെ രണ്ടാമത്തെ എക്‌സ്‌പ്രസ് എൻട്രി നറുക്കെടുപ്പിലൂടെ കോംപ്രിഹെൻസീവ് റാങ്കിംഗ് സിസ്റ്റം (സിആർഎസ്) കട്ട്ഓഫ് സ്കോർ 422 ഉള്ള ഉദ്യോ​ഗാർത്ഥികൾക്കാണ് ഇൻവിറ്റേഷൻ നൽകിയത്.
ഫെബ്രുവരി 13-ന്,നടന്ന ഒരു പൊതു നറുക്കെടുപ്പിലൂടെ, 1,490 ഉദ്യോ​ഗാർത്ഥികൾക്ക് കനേഡിയൻ പെർമനൻ്റ് റെസിഡൻസിക്ക് (പിആർ) അപേക്ഷിക്കാൻ (ഐടിഎ) ഇൻവിറ്റേഷൻ ലഭിച്ചിരുന്നു. ഏറ്റവും കുറഞ്ഞ സ്‌കോർ ആവശ്യകത 535 അല്ലെങ്കിൽ അതിൽ കൂടുതലുള്ള സമഗ്ര റാങ്കിംഗ് സിസ്റ്റം (CRS) അടിസ്ഥാനമാക്കിയാണ് നറുക്കെടുപ്പ് നടത്തിയത്.
ഫെബ്രുവരി 1-ന് ഫ്രഞ്ച് ഭാഷ പ്രാവീണ്യമുള്ള വ്യക്തികളെ ലക്ഷ്യമിട്ടുള്ള നറുക്കെടുപ്പിലൂടെ 7,000 ഉദ്യോ​ഗാർത്ഥികൾക്ക് ഇൻവിറ്റേഷൻ നൽകിയിരുന്നു.