ജീവിതച്ചെലവും തൊഴിലില്ലായ്മയും കാരണം രണ്ടാം പാദത്തിൽ യുവ കനേഡിയന്മാർക്കിടയിൽ കടം വർധിച്ചതായി ഇക്വിഫാക്‌സ് കാനഡ റിപ്പോർട്ട്. 26-35 വയസ് പ്രായമുള്ള കനേഡിയൻമാർക്കിടയിൽ ക്രെഡിറ്റ് കാർഡ് കടം തിരിച്ചടവ് വൈകുന്നതായും നിരക്ക് 1.99 ശതമാനമാണെന്നും റിപ്പോർട്ട് പറയുന്നു. മുൻവർഷത്തേക്കാൾ 21.6 ശതമാനം വർധനവാണിത്. സാമ്പത്തിക സമ്മർദങ്ങളെ സൂചിപ്പിക്കുന്ന ഓട്ടോ ലോണുകളുടെയും ക്രെഡിറ്റ് ലൈനുകളുടെയും കുടിശ്ശിക നിരക്ക് യുവ കനേഡിയക്കാർക്കിടയിൽ പ്രത്യേകിച്ചും ഉയർന്നതായിരുന്നു.
2023-ൻ്റെ രണ്ടാം പാദത്തെ അപേക്ഷിച്ച് ഉപഭോക്തൃ കടം 4.2 ശതമാനം ഉയർന്ന് 2.5 ട്രില്യൺ ഡോളറായതായി റിപ്പോർട്ട് പറയുന്നു. പണപ്പെരുപ്പം സ്ഥിരത കൈവരിക്കുകയും പലിശ നിരക്ക് കുറയാൻ തുടങ്ങുകയും ചെയ്യുന്നു, ഇത് പല ഉപഭോക്താക്കൾക്കും സന്തോഷവാർത്തയാണ്, ഇക്വിഫാക്സ് കാനഡയിലെ അഡ്വാൻസ്ഡ് അനലിറ്റിക്സ് വൈസ് പ്രസിഡൻ്റ് റെബേക്ക ഓക്സ് പറഞ്ഞു. നിർഭാഗ്യവശാൽ, വർധിവരുന്ന തൊഴിലില്ലായ്മ ചില പോസിറ്റീവുകളെ നികത്തുകയും സാമ്പത്തിക സമ്മർദ്ദം വർദ്ധിപ്പിക്കുകയും ചെയ്യുന്നതായി അവർ കൂട്ടിച്ചേർത്തു.
കാനഡയിലെ തൊഴിലില്ലായ്മ നിരക്ക് വർദ്ധിച്ചുകൊണ്ടിരിക്കുകയാണ്. ജൂലൈയിൽ 6.4 ശതമാനത്തിലെത്തിയതായി സ്റ്റാറ്റിസ്റ്റിക്സ് കാനഡ ഡാറ്റ പറയുന്നു. ഉയർന്ന പലിശനിരക്ക് സമ്പദ്‌വ്യവസ്ഥയെ മന്ദഗതിയിലാക്കുന്നതായി റിപ്പോർട്ട് വ്യക്തമാക്കുന്നു.
മൊത്തത്തിൽ, നോൺ-മോർട്ട്ഗേജ് ഡിലിൻക്വൻസി നിരക്ക് 1.4 ശതമാനമായിരുന്നു, ഇത് 2020-ൽ പീക്ക് ലെവലുകൾ മറികടന്നു, 2011 ന് ശേഷമുള്ള ഏറ്റവും ഉയർന്ന നിരക്കാണിത്.
പ്രതിവർഷം 13.7 ശതമാനം വർധിച്ച് 122 ബില്യൺ ഡോളറിലെ കുടിശ്ശിക ക്രെഡിറ്റ് കാർഡ് കടമാണെന്ന് റിപ്പോർട്ട് കൂട്ടിച്ചേർത്തു.