പുതിയ പെരുമാറ്റച്ചട്ടം അവതരിപ്പിക്കാനൊരുങ്ങി സ്റ്റാര്‍ബക്‌സ്. വിവേചനം, ഉപദ്രവം, പുറത്തുനിന്നുള്ള മദ്യപാനം, പുകവലി, വേപ്പിംഗ്, മയക്കുമരുന്ന് ഉപയോഗം, പാന്‍ഹാന്‍ഡ്‌ലിംഗ് തുടങ്ങിയവ നിരോധിക്കുന്നതിന്റെ ഭാഗമാണ് പുതിയ പെരുമാറ്റച്ചട്ടമെന്ന് കമ്പനി വ്യക്തമാക്കി. കമ്പനിയുടെ ഉടമസ്ഥതയിലുള്ള എല്ലാ നോര്‍ത്ത് അമേരിക്കന്‍ സ്‌റ്റോറുകളിലും പെരുമാറ്റച്ചട്ടം നിലവിൽവരും.
പുതിയ പെരുമാറ്റച്ചട്ടത്തില്‍ സ്റ്റാര്‍ബക്‌സില്‍ ഹാംഗ്ഔട്ട് ചെയ്യാനോ റെസ്റ്റ്‌റൂം ഉപയോഗിക്കാനോ എന്തെങ്കിലും പണം കൊടുത്ത് വാങ്ങേണ്ടി വരും. പുതിയ നയം നടപ്പിലാക്കുന്നതിന് ജീവനക്കാര്‍ക്ക് പരിശീലനം നല്‍കുമെന്നും കമ്പനി വ്യക്തമാക്കി. സ്‌റ്റോറുകളിലെ ജീവനക്കാരോടും ഉപഭോക്താക്കളോടും അപമര്യാദയായി സ്റ്റോറിലെത്തുന്ന ചിലര്‍ പെരുമാറുന്നതിനെ തുടര്‍ന്നാണ് പുതിയ നയം രൂപീകരിച്ചത്. ജീവനക്കാരുടെയും ഉപഭോക്താക്കളുടെയും സുരക്ഷയ്ക്ക് പരിഗണന നല്‍കിയാണ് നയത്തില്‍ മാറ്റങ്ങള്‍ വരുത്തുന്നതെന്ന് അധികൃതര്‍ പറഞ്ഞു.
പുതിയ പെരുമാറ്റച്ചട്ടവുമായി സ്റ്റാര്‍ബക്‌സ്; ഹാംഗ്ഔട്ട് ചെയ്യുന്നതിന് ചെലവേറും
Reading Time: < 1 minute
