ഗ്വൽഫ് സർവകലാശാലയിൽ 190 ഓളം വിദ്യാർത്ഥികൾക്ക് ഗ്യാസ്ട്രോഎൻറൈറ്റിസ് രോ​ഗം സ്ഥിരീകരിച്ചു. പകർച്ചവ്യാധിയായ നോറോവൈറസ് മൂലമാണ് ഗ്യാസ്ട്രോഎൻറൈറ്റിസ് ഉണ്ടാകുന്നത്.
തിങ്കളാഴ്ച ക്യാമ്പസിൽ ഗ്യാസ്ട്രോഎൻറൈറ്റിസ് ആദ്യമായി റിപ്പോർട്ട് ചെയ്തത്. ബുധനാഴ്ചയോടെ 60 ഓളം വിദ്യാർത്ഥികൾക്ക് രോ​ഗം ബാധിച്ചതായി സ്കൂൾ അതിക‍ൃതർ വ്യക്തമാക്കി.അടുത്ത ദിവസം 150 കേസുകളായി ഉയർന്നു. എന്നാൽ വരും ദിവസങ്ങളിൽ കേസുകളുടെ എണ്ണം ​ഗണിയമായി ഉയരുമെന്ന് വെല്ലിംഗ്ടൺ-ഡഫറിൻ-ഗുൽഫ് പബ്ലിക് ഹെൽത്ത് മെഡിക്കൽ ഓഫീസർ ഡോ. നിക്കോള മെർസർ വ്യക്തമാക്കി. ഛർദ്ദി, വയറിളക്കം, മനംപുരട്ടൽ, വയറുവേദന എന്നിവയാണ് പ്രധാന രോ​ഗലക്ഷണങ്ങൾ. രോ​ഗ ലക്ഷണങ്ങൾ,12 മുതൽ 24 മണിക്കൂർ വരെ നീണ്ടുനിൽക്കും.