ഫെബ്രുവരിയിൽ 41,000 തൊഴിലവസരങ്ങൾ കൂട്ടിച്ചേർത്തതായി സ്റ്റാറ്റിസ്റ്റിക്സ് കാനഡ. തൊഴിലില്ലായ്മ നിരക്ക് 5.8 ശതമാനമായി ഉയർന്നതായും റിപ്പോർട്ട് പറയുന്നു. ഇത് പാൻഡെമിക് തലത്തിലേക്ക് തിരിച്ചെത്തിയതായും റിപ്പോർട്ട് പറയുന്നു.
ഉയർന്ന പലിശനിരക്ക് സമ്പദ്‌വ്യവസ്ഥയെ ബുദ്ധിമുട്ടിലാക്കുന്ന സാഹചര്യത്തിലാണ് റിപ്പോർട്ട് വരുന്നത്. എന്നാൽ ശക്തമായ ജനസംഖ്യാ വളർച്ച തൊഴിൽ വിപണിയിൽ ഉൾപ്പെടെയുള്ള ചില പ്രത്യാഘാതങ്ങളെ മറികടക്കുന്നതായും റിപ്പോർട്ട് പറയുന്നു.
കാനഡയിലെ ജനസംഖ്യാ വളർച്ചയാണ് തൊഴിൽ നിരക്കിലെ ഈ ഇടിവിന് കാരണമെന്ന് റിപ്പോർട്ട് പറയുന്നു. കാനഡയിലെ 15 വയസ്സ്‌ കഴിഞ്ഞവരുടെ ആകെ ജനസംഖ്യയിൽ തൊഴിലുള്ളവരുടെ അനുപാതത്തെയാണ് തൊഴിൽ നിരക്ക് പ്രതിനിധീകരിക്കുന്നത്. ജോലി ലഭ്യത വർദ്ധിച്ചിട്ടുണ്ടെങ്കിലും, ജനസംഖ്യാ വളർച്ച കൂടുതലായതിനാൽ തൊഴിൽ നിരക്ക് കുറഞ്ഞതായി റിപ്പോർട്ട് പറയുന്നു.