കനേഡിയൻ റീട്ടെയിൽ വിൽപ്പന സെപ്റ്റംബറിൽ 0.4 ശതമാനം ഉയർന്ന് 66.9 ബില്യൺ ഡോളറിലെത്തിയതായി സ്റ്റാറ്റിസ്റ്റിക്സ് കാനഡ. സൂപ്പർമാർക്കറ്റുകളിലെയും മറ്റ് ​ഗ്രോസറി സ്റ്റോറുകളിലെയും വിൽപ്പനയാണ് വളർച്ചയ്ക്ക് കാരണം. കൂടാതെ ഫുഡ് ആൻഡ് ബിവറേജ് റീട്ടെയിൽ വിൽപ്പന സെപ്റ്റംബറിലെ മൂന്ന് ശതമാനം വർദ്ധിച്ചതായി സ്റ്റാറ്റിസ്റ്റിക്സ് കാനഡ പറഞ്ഞു. ഒക്ടോബറിലെ ചില്ലറ വിൽപ്പന 0.7 ശതമാനം വർധിച്ചതായും ഏജൻസി വ്യക്തമാക്കി.
കൺവീനിയൻസ് റീട്ടെയിലർമാർ ഒഴികെയുള്ള സൂപ്പർമാർക്കറ്റുകളും മറ്റ് പലചരക്ക് ചില്ലറ വ്യാപാരികളും 3.3 ശതമാനവും ബിയർ, വൈൻ, മദ്യം എന്നിവയുടെ ചില്ലറ വിൽപനയിൽ 4.4 ശതമാനവും വർധിച്ചതോടെയാണ് ഫുഡ് ആൻഡ് ബിവറേജ് റീട്ടെയിൽ വിൽപ്പനയിലെ വർധനവിന് കാരണം.
മോട്ടോർ വാഹന, പാർട്‌സ് ഡീലർമാർ സെപ്റ്റംബറിൽ വിൽപ്പനയിൽ 0.7 ശതമാനം ഇടിവ് രേഖപ്പെടുത്തി. പെട്രോൾ, മോട്ടോർ വാഹന, പാർട്‌സ് ഡീലർമാരും ഒഴികെയുള്ള കോർ റീട്ടെയിൽ വിൽപ്പന സെപ്റ്റംബറിൽ 1.4 ശതമാനം നേട്ടമുണ്ടാക്കി.കെട്ടിട നിർമാണ സാമഗ്രികളും പൂന്തോട്ട ഉപകരണങ്ങളും സപ്ലൈസ് ഡീലർമാരുടെ ഉപവിഭാഗവും സെപ്റ്റംബറിൽ 3.0 ശതമാനം നേട്ടമുണ്ടാക്കി.
ഒക്ടോബറിൽ പണപ്പെരുപ്പത്തിൻ്റെ വാർഷിക വേഗത 2.0 ശതമാനം കുറഞ്ഞതിനെ തുടർന്ന് ബാങ്ക് ഓഫ് കാനഡ ഈ വർഷം ഇതുവരെ നാല് തവണ പോളിസി പലിശ നിരക്ക് കുറച്ച് നിരക്ക് 3.75 ശതമാനത്തിലെത്തിച്ചു.