ഗ്രേറ്റർ ടൊറന്റോ ഏരിയയിൽ ഇന്ന് ശൈത്യകാല കൊടുങ്കാറ്റിന് സാധ്യത. ഏറ്റവും പുതിയ വിശദാംശങ്ങൾ ഇവയാണ്.

7 A.M

ശൈത്യകാല കൊടുങ്കാറ്റ് സംഭവവികാസങ്ങൾ നിരീക്ഷിച്ചു വരികയാണെന്ന് ടൊറന്റോ പിയേഴ്സൺ അന്താരാഷ്ട്ര വിമാനത്താവളം അറിയിച്ചു. വിമാനത്താവളം യാത്രക്കാരോട് വിമാനത്താവളത്തിലെത്താൻ അധിക സമയം നീക്കിവയ്ക്കാനും പുറപ്പെടുന്നതിനുമുമ്പ് വെബ്‌സൈറ്റിൽ ഫ്ലൈറ്റ് സ്റ്റാറ്റസ് പരിശോധിക്കാനും നിർദ്ദേശിക്കുന്നു.

6:15 A.M

ജിടിഎയുടെയും തെക്കൻ ഒന്റാറിയോയുടെയും ചില ഭാഗങ്ങളിൽ നിരവധി സ്കൂൾ ബസുകള് റദ്ദാക്കിട്ടുണ്ട്. ബസുകൾ റദ്ദാക്കിയാലും സ്കൂളുകൾ പഠനത്തിനായി തുറന്നിരിക്കും. ടൊറന്റോയിൽ റദ്ദാക്കലുകൾ പ്രതീക്ഷിക്കുന്നില്ലെന്ന് TDSB പറയുന്നു.

6 A.M

ടൊറന്റോയിൽ ശൈത്യകാല കൊടുങ്കാറ്റ് യാത്രാ ഉപദേശം പ്രാബല്യത്തിൽ ഉണ്ട്. ടൊറന്റോയിൽ 5 മുതൽ 10 സെന്റീമീറ്റർ വരെ മഞ്ഞുവീഴ്ചയുണ്ടാകുമെന്നും അപകടകരമായ യാത്രാ സാഹചര്യങ്ങൾ ഇന്ന് രാവിലെ വൈകി ജിടിഎയിൽ ആരംഭിച്ച് വൈകുന്നേരം വരെ നീണ്ടുനിൽക്കുമെന്നും എൺവയോൺമെന്റ് കാനഡ പറയുന്നു.
ശൈത്യകാല കൊടുങ്കാറ്റ് തെക്കൻ ഒന്റാറിയോയിലൂടെ നീങ്ങുമ്പോൾ GTA ചില സമയങ്ങളിൽ കനത്ത മഞ്ഞുവീഴ്ച ഉണ്ടാകുമെന്നും ഏജൻസി പറയുന്നു. 20-30 മില്ലിമീറ്റർ വരെ പ്രതീക്ഷിക്കുന്ന മഞ്ഞ് പിന്നീട് മഴയായി മാറുമെന്നും ഏജൻസി വ്യക്തമാക്കി.
മഞ്ഞുവീഴ്ചയുണ്ടായാൽ യാത്രാക്ലേശം അനുഭവപ്പെടും. ഇത് പക്ഷേ ഉച്ചതിരിഞ്ഞുള്ള യാത്രയെ സാരമായി ബാധിച്ചേക്കുമെന്ന് ഏജൻസി പ്രസ്താവനയിൽ പറഞ്ഞു. ഹൈവേകൾ, റോഡുകൾ, നടപ്പാതകൾ, പാർക്കിംഗ് സ്ഥലങ്ങൾ തുടങ്ങിയ പ്രതലങ്ങളിൽ മഞ്ഞ് അടിഞ്ഞുകൂടുന്നത് കാരണം നാവിഗേറ്റ് ചെയ്യാൻ ബുദ്ധിമുട്ടായേക്കുമെന്നും എൺവയോൺമെന്റ് കാനഡ വ്യക്തമാക്കി.