യാത്രാ സുരക്ഷാ നടപടികൾ ശക്തമാക്കുന്നതിന്റെ ഭാ​ഗമായി കനേഡിയൻ, യുഎസ് പൗരന്മാർക്ക് യുകെയിലേക്കോ യു.കെ വഴിയോ യാത്ര ചെയ്യാൻ ഒരു ഇലക്ട്രോണിക് ട്രാവൽ ഓതറൈസേഷൻ (eTA) നിർബന്ധമാക്കി. ജനുവരി എട്ട് മുതൽ പുതിയ നടപടി പ്രാബല്യത്തിൽ വരും.
2025 ഏപ്രിൽ രണ്ട് മുതൽ യൂറോപ്യൻ  യൂണിയൻ പൗരന്മാർക്കും ഇതേ നിബന്ധന  പ്രാബല്യത്തിൽ വരും. യൂറോപ്പിലേക്ക് പോകുന്നതിന് ഇപ്പോൾ പുതിയ യാത്രാ രേഖകൾ ആവശ്യമാണ്. ഫ്രാൻസ്, ഇറ്റലി എന്നീ രാജ്യങ്ങൾ പുതിയ 30 ETIAS ഫോമുകൾ കൂടി വിദേശ യാത്രക്കാരിൽ നിന്ന്  ആവശ്യപ്പെടുന്നതായും  വിദഗ്ദ്ധർ പറയുന്നു. യുകെയിലേക്ക് പോകുകയാണെങ്കിൽ   10 ഇംഗ്ലീഷ് പൗണ്ടും മറ്റിടങ്ങളിലേക്ക്  പോകുകയാണെങ്കിൽ ഏഴ് യൂറോയും നൽകേണ്ടതായി വരും. എല്ലാം ഡിജിറ്റലായി ചെയ്യാനാകും.