കാട്ടുതീ രൂക്ഷമായ വെസ്റ്റേണ്‍ കാനഡയിൽ ആളുകളെ ഒഴിപ്പക്കല്‍ തുടരുന്നു. ഫൈബര്‍ ഒപ്റ്റിക് ലൈനുകള്‍ക്ക് കഴിഞ്ഞയാഴ്ച കാട്ടുതീ പടര്‍ന്നത് മൂലം കേടുപാടുകള്‍ സംഭവിച്ചതോടെ ചില കമ്മ്യൂണിറ്റികളില്‍ ഇന്റര്‍നെറ്റ്, ടെലിഫോണ്‍ ബന്ധം വിച്ഛേദിക്കപ്പെട്ടു. ഇതോടെ ആശയവിനിമയം താറുമാറായി.
യുക്കോണ്‍, നോര്‍ത്ത് വെസ്റ്റ് ടെറിട്ടറികള്‍, നുനാവുട്ട്, നോര്‍ത്തേണ്‍ ബീസിയുടെ ചില ഭാഗങ്ങള്‍ എന്നിവടങ്ങളില്‍ സേവനം നല്‍കുന്ന ടെലികമ്മ്യൂണിക്കേഷന്‍ പ്രൊവൈഡറായ നോര്‍ത്ത് വെസ്റ്റല്‍ ടെലിഫോണ്‍, ഇന്റര്‍നെറ്റ്, ദീര്‍ഘദൂര സേവനങ്ങള്‍ തടസ്സപ്പെട്ടതായി റിപ്പോര്‍ട്ട് ചെയ്തു.
ആശയവിനിമയം ഇല്ലാതാകാൻ സാധ്യതയുള്ളതിനാല്‍ ജനങ്ങള്‍ അപ്‌ഡേറ്റുകള്‍ പരിശോധിക്കണമെന്ന് അധികൃതര്‍ വ്യക്തമാക്കുന്നു. നോര്‍ത്ത്‌വെസ്റ്റലും അതിന്റെ മാതൃകമ്പനിയായ ബെല്‍, മറ്റ് ടെലികോം കമ്പനികളായ ടെലസ്, റോജേഴ്‌സ് തുടങ്ങിയവയും ആശയവിനിമയം തടസ്സപ്പെടാതിരിക്കാനുള്ള പ്രവര്‍ത്തനങ്ങള്‍ നടത്തുന്നുണ്ടെന്ന് വ്യക്തമാക്കി.
കാട്ടുതീ; വെസ്റ്റേണ്‍ കാനഡയിൽ ആശയവിനിമയം താറുമാറായി, ജനങ്ങള്‍ക്ക് മുന്നറിയിപ്പ്
Reading Time: < 1 minute
