കര്ണാടകയിലെ ഷിരൂരില് ദേശീയപാതയിലെ വന് മണ്ണിടിച്ചില് അപകടത്തില്പ്പെട്ട കോഴിക്കോട് സ്വദേശിയായ ലോറി ഡ്രൈവര് അര്ജുനെ കണ്ടെത്താനുള്ള രക്ഷാപ്രവര്ത്തനം പുരോഗമിക്കുന്നു. നേവിയുടെ ഡൈവര്മാര് ഗംഗാവാലി പുഴയിലിറങ്ങി നടത്തിയ പരിശോധനയില് അര്ജുൻ ഓടിച്ചിരുന്ന ലോറി നദിയുടെ അടിത്തട്ടില് കണ്ടെത്താനായില്ല.
മണ്ണിനടിയിൽ ലോറി ഉണ്ടോയെന്ന് ഉറപ്പുവരുത്താൻ മെറ്റല് ഡിറ്റക്ടറുകള് എത്തിച്ച് പരിശോധന നടത്തുമെന്നും കളക്ടര് പറഞ്ഞു.
മെറ്റൽ ഡിറ്റക്ടറുകൾ ചിത്രദുർഗയിൽ നിന്നും മംഗളുരുവിൽ നിന്നും കൊണ്ട് വരും. റോഡിലേക്ക് ഇടിഞ്ഞ മണ്ണിനടിയിൽ ലോറി ഉണ്ടാകുമെന്നാണ് അര്ജുന്റെ കുടുംബത്തിന്റെ പ്രതീക്ഷ. ലോറിയുടെ ജിപിഎസ് ലോക്കേഷൻ മണ്ണിനടിയിലാണ് ഏറ്റവും ഒടുവിലായി കാണിച്ചിരുന്നത്. നേവി ഡൈവര്മാര്ക്ക് പുറമെ 100 അംഗം എന്ഡിആര്എഫ് സംഘമാണ് മണ്ണ് നീക്കിയുള്ള രക്ഷാപ്രവര്ത്തനത്തില് പങ്കാളികളായിരിക്കുന്നത്. ഈ മാസം എട്ടിനാണ് മരത്തിന്റെ ലോഡ് കൊണ്ടു വരാനായി അര്ജുന് കര്ണാടകയിലേക്ക് പോയത്.
അർജുന്റെ ലോറി പുഴയിലില്ലെന്ന് സ്ഥിരീകരണം, മണ്ണിനടിയിൽ മെറ്റൽ ഡിറ്റക്ടർ പരിശോധന നടത്തും
Reading Time: < 1 minute
