അമേരിക്കയിൽ ഒരു മനുഷ്യനില്‍ കൂടി പക്ഷിപ്പനി സ്ഥിരീകരിച്ചതായി റിപ്പോര്‍ട്ട്. ആദ്യത്തെ കേസ് റിപ്പോര്‍ട്ട് ചെയ്തതിന് രണ്ട് മാസത്തിനുള്ളില്‍ ഈ രോഗം കറവപ്പശുക്കള്‍ക്കിടയില്‍ വ്യാപിക്കുന്നുണ്ടായിരുന്നു.
H5N1 എന്ന വൈറസ് ബാധിച്ച രണ്ട് വ്യക്തികളും ആദ്യത്തേത് ടെക്‌സാസില്‍, രണ്ടാമത്തേത് മിഷിഗണിലും ഡയറി ഫാം തൊഴിലാളികളായിരുന്നു, അവര്‍ ചെറിയ ലക്ഷണങ്ങള്‍ മാത്രം പ്രകടിപ്പിക്കുകയും സുഖം പ്രാപിക്കുകയും ചെയ്തതായി അധികൃതര്‍ അറിയിച്ചു.
ഭയപ്പെടേണ്ട സാഹചര്യമില്ലെന്ന് യുഎസ് സെന്റര്‍സ് ഫോര്‍ ഡിസീസ് കണ്‍ട്രോള്‍ ആന്‍ഡ് പ്രിവന്‍ഷന്‍ പറഞ്ഞു. പൊതുജനങ്ങള്‍ക്കുള്ള അപകടസാധ്യത കുറവാണ്. ടെക്സാസ് കേസിന് സമാനമായി, മിഷിഗണിലെ രോഗി കണ്ണിൻ്റെ ലക്ഷണങ്ങൾ മാത്രമാണ് റിപ്പോർട്ട് ചെയ്തതെന്ന് സിഡിസി പറഞ്ഞു.
മിഷിഗൺ തൊഴിലാളിക്ക് നേരിയ രോഗലക്ഷണങ്ങൾ ഉണ്ടായിരുന്നു, സുഖം പ്രാപിച്ചുവെന്ന് സംസ്ഥാന ആരോഗ്യ-മനുഷ്യ സേവന വകുപ്പ് അറിയിച്ചു. പക്ഷിപ്പനി ബാധിച്ച കന്നുകാലികളുമായി തൊഴിലാളി പതിവായി സമ്പർക്കം പുലർത്തിയിരുന്നതായും ആരോഗ്യ വകുപ്പ് അറിയിച്ചു.
പക്ഷിപ്പനി: മനുഷ്യനില്‍ രണ്ടാമത്തെ കേസ് റിപ്പോർട്ട് ചെയ്തു
Reading Time: < 1 minute
