നവംബറിലെ ആദ്യ എക്സ്പ്രസ് എൻട്രി നറുക്കെടുപ്പിലൂടെ സ്ഥിര താമസത്തിന് അപേക്ഷിക്കാൻ 733 ഉദ്യോ​ഗാർത്ഥികൾക്ക് ഇൻവിറ്റേഷൻ നൽകി ഇമിഗ്രേഷൻ, റെഫ്യൂജീസ്, സിറ്റിസൺഷിപ്പ് കാനഡ (ഐആർസിസി). 812 അല്ലെങ്കിൽ അതിന് മുകളിലുള്ള സമഗ്ര റാങ്കിംഗ് സിസ്റ്റം (CRS) സ്‌കോറുള്ള എല്ലാ എക്‌സ്‌പ്രസ് എൻട്രി വിഭാഗങ്ങളിൽ നിന്നുമുള്ള ഉദ്യോഗാർത്ഥികളെയാണ് ഈ നറുക്കെടുപ്പിന് പരി​ഗണിക്കുന്നത്. ഒക്‌ടോബർ 21-ലെ മുൻ പിഎൻപി നറുക്കെടുപ്പിനെ അപേക്ഷിച്ച് CRS കട്ട്ഓഫ് സ്‌കോർ 21 പോയിൻ്റ് ഉയർന്നു.
ഒക്ടോബർ 23-ന് നടന്ന ട്രേഡ് തൊഴിലുകൾക്കായുള്ള കാറ്റഗറി അടിസ്ഥാനമാക്കിയുള്ള സെലക്ഷൻ നറുക്കെടുപ്പിലൂടെ 1,800 ഉദ്യോഗാർത്ഥികൾക്ക് ഇൻവിറ്റേഷൻ നൽകിയിരുന്നു. കഴിഞ്ഞ ജൂലൈയ്ക്ക് ശേഷം ഫ്രഞ്ച് ഇതര ഭാഷ സംസാരിക്കുന്ന വിഭാഗത്തെ അടിസ്ഥാനമാക്കിയുള്ള ആദ്യ നറുക്കെടുപ്പായിരുന്നു അത്.
2025-ലേക്കുള്ള കാനഡയുടെ ഇമിഗ്രേഷൻ ലെവൽസ് പ്ലാനിൻ്റെ പ്രഖ്യാപനത്തിന് ശേഷമുള്ള ആദ്യ നറുക്കെടുപ്പായിരുന്നു നവംബറിലേത്. അടുത്ത വർഷം 124,680 എക്സ്പ്രസ് എൻട്രി ഉദ്യോഗാർത്ഥികളെ സ്വാഗതം ചെയ്യാനാണ് ഐആർസിസി ലക്ഷ്യമിടുന്നത്. എക്‌സ്‌പ്രസ് എൻട്രി കാൻഡിഡേറ്റുകൾക്കായി പുതുതായി അവതരിപ്പിച്ച ഇൻ-കാനഡ ഫോക്കസ് ടാർഗെറ്റുകളിലൂടെയോ ഫെഡറൽ ഇക്കണോമിക് പ്രയോറിറ്റീസ് വിഭാഗത്തിലൂടെയോ ഇന്ന് ITA ലഭിച്ചവരെ അടുത്ത വർഷത്തേക്കുള്ള ടാർഗെറ്റുകളിൽ പരിഗണിക്കും.