നികുതി പുനർനിർണയ നടപടിക്കെതിരായ പാർട്ടിയുടെ ഹർജി ഡൽഹി ഹൈക്കോടതി തള്ളി മണിക്കൂറുകൾക്കകം ആദായ നികുതി വകുപ്പ് കോൺഗ്രസിന് 1700 കോടി രൂപയുടെ നോട്ടീസ് അയച്ചു. കോൺഗ്രസ് നേതാവ് വിവേക് തൻഖയാണ് ഇക്കാര്യം സ്ഥിരീകരിച്ചത്.
2017-18, 2020-21 മൂല്യനിർണ്ണയ വർഷങ്ങളിൽ പിഴയും പലിശയും ഉൾപ്പെടുത്തിയാണ് നോട്ടീസ് നൽകിയത്. നികുതി അധികാരികൾ നാല് വർഷത്തേക്ക് നികുതി പുനർനിർണയ നടപടികൾ ആരംഭിച്ചതിനെ ചോദ്യം ചെയ്ത് കോൺഗ്രസ് സമർപ്പിച്ച ഹർജികൾ വ്യാഴാഴ്ച ഡൽഹി ഹൈക്കോടതി തള്ളിയിരുന്നു.
പുനർമൂല്യനിർണയം ഒരു വർഷത്തേക്ക് കൂടി നീട്ടുന്നതിൽ ഇടപെടാൻ വിസമ്മതിച്ച മുൻ തീരുമാനത്തിൻ്റെ അടിസ്ഥാനത്തിലാണ് ഹർജികൾ തള്ളുന്നതെന്ന് ജസ്റ്റിസുമാരായ യശ്വന്ത് വർമ്മ, പുരുഷൈന്ദ്ര കുമാർ കൗരവ് എന്നിവരടങ്ങിയ ബെഞ്ച് പറഞ്ഞു.
ഇപ്പോൾ 2017 മുതൽ 2021 വരെയുള്ള ടാക്സുമായി ബന്ധപ്പെട്ടാണ് നോട്ടീസ്. 2014-15 മുതൽ 2016-17 വരെയുള്ള മൂല്യനിർണ്ണയ വർഷങ്ങളുമായി ബന്ധപ്പെട്ട പുനർമൂല്യനിർണ്ണയ നടപടികൾ ആരംഭിക്കുന്നതിനെ കോൺഗ്രസ് പാർട്ടി കഴിഞ്ഞയാഴ്ച തള്ളിയ മുൻ ഹർജിയിൽ ചോദ്യം ചെയ്തിരുന്നു.