ജൂലൈയിലെ ആദ്യ എക്സ്പ്രസ് എൻട്രി നറുക്കെടുപ്പിലൂടെ സ്ഥിരതാമസത്തിന് (പിആർ) അപേക്ഷിക്കാൻ (ഐടിഎ) 920 ഉദ്യോ​ഗാർ‌ത്ഥികൾക്ക് ഇൻവിറ്റേഷൻ നൽകി ഐആർസിസി. അപേക്ഷകർക്ക് ഏറ്റവും കുറഞ്ഞ സമഗ്ര റാങ്കിംഗ് സിസ്റ്റം (CRS) സ്കോർ 739 ആവശ്യമായിരുന്നു. ജൂലൈ 3 ന് എക്സ്പ്രസ് എൻട്രി നറുക്കെടുപ്പ് ഉണ്ടാകുമെന്നും CRS കട്ട്ഓഫ് സ്കോർ 700 ആയിരിക്കുമെന്നും കഴിഞ്ഞ ആഴ്ച പുറത്തിറങ്ങിയ എക്സ്പ്രസ് എൻട്രി പ്രവചനത്തിൽ പറഞ്ഞിരുന്നു. .ഈ ആഴ്‌ച മറ്റൊരു കാറ്റഗറി അധിഷ്‌ഠിത നറുക്കെടുപ്പ് ഉണ്ടാകും. എന്നാൽ CEC-ക്ക് മാത്രമുള്ള നറുക്കെടുപ്പുകളുടെ സാധ്യതയും തള്ളിക്കളയാനാവില്ല.
കഴിഞ്ഞ മാസത്തെ മൂന്ന് പ്രോഗ്രാം-നിർദ്ദിഷ്ട നറുക്കെടുപ്പുകൾക്ക് ശേഷമുള്ള നറുക്കെടുപ്പാണിത്. ജൂൺ 19-ന് നടക്കുന്ന PNP നറുക്കെടുപ്പിലൂടെ ഏറ്റവും കുറഞ്ഞ CRS സ്കോർ 663 ഉള്ള1,499 ഉദ്യോഗാർത്ഥികൾ‌ക്ക് ഇൻവിറ്റേഷൻ നൽകി. 2023 മെയ് 10 ന് ശേഷമുള്ള ആദ്യ നറുക്കെടുപ്പും പ്രോഗ്രാം സ്പെസിഫിക് നറുക്കെടുപ്പായിരുന്നു ഇത്. മെയ് 31-ന് നടന്ന മറ്റൊരു കനേഡിയൻ എക്സ്പീരിയൻസ് ക്ലാസ് (CEC) നറുക്കെടുപ്പിലൂടെ 3,000 ഉദ്യോഗാർത്ഥികൾക്കും ഇൻവിറ്റേഷൻ നൽകിയിരുന്നു.