കാനഡയിലെ തൊഴിലില്ലായ്മ നിരക്ക് ഓഗസ്റ്റിൽ വീണ്ടും ഉയർന്നു. 22,000 തൊഴിലവസരങ്ങൾ കൂട്ടിച്ചേർത്തപ്പോഴും രാജ്യത്ത തൊഴിലില്ലായ്മ നിരക്ക് 6.6 ശതമാനമായി ഉയർന്നതായി സ്റ്റാറ്റിസ്റ്റിക്സ് കാനഡ വ്യക്തമാക്കി. 7 വർഷത്തിനിടയിലെ ഏറ്റവും ഉയർന്ന നിരക്കാണിതെന്നും റിപ്പോർട്ട് പറയുന്നു. പാർട്ട് ടൈം ജോലിയിൽ വർധനവുണ്ടായപ്പോൾ മുഴുവൻ സമയ ജോലികളിൽ ഇടിവുണ്ടായി റിപ്പോർട്ട് പറയുന്നു. സമ്പദ്‌വ്യവസ്ഥ ആയിരക്കണക്കിന് തൊഴിലവസരങ്ങൾ ഇല്ലാതാക്കിയ ജൂലൈയിലെ 6.4 ശതമാനത്തിൽ നിന്നാണ് ഓഗസ്റ്റിൽ തൊഴിലില്ലായ്മ നിരക്ക് 6.6 ശതമാനമായി ഉയർന്നത്.

2017 മെയ്ക്ക് ശേഷമുള്ള ഏറ്റവും ഉയർന്ന തൊഴിലില്ലായ്മ നിരക്കാണ് ഇപ്പോഴത്തേത്. ദ്രുതഗതിയിലുള്ള ജനസംഖ്യാ വളർച്ച മൊത്തത്തിലുള്ള തൊഴിലാളികളുടെ എണ്ണം വർദ്ധിപ്പിക്കുന്നതിനാൽ കാനഡയിലെ തൊഴിലില്ലായ്മ നിരക്ക് വർദ്ധിച്ചുകൊണ്ടിരിക്കുകയാണിപ്പോൾ.
പ്രത്യേകിച്ച് വിദ്യാർത്ഥികളിൽ പ്രശ്നം രൂക്ഷമാണ്. പാൻഡെമിക് ഒഴികെയുള്ള 2012 ന് ശേഷമുള്ള ഏറ്റവും ഉയർന്ന നിലയായ 16.7 ശതമാനമാണ് വിദ്യാർത്ഥികളിലെ തൊഴിലില്ലായ്മ നിരക്ക്.