ഒൻ്റാറിയോ, ബ്രിട്ടീഷ് കൊളംബിയ, ക്യുബെക്ക് എന്നീ മൂന്ന് പ്രവിശ്യകളിലേക്ക് പ്രൊവിൻഷ്യൽ നോമിനി പ്രോഗ്രാം (PNP) ഇൻവിറ്റേഷൻ നൽകി ഇമിഗ്രേഷൻ റെഫ്യൂജീസ് ആൻഡ് സിറ്റിസൺഷിപ്പ് കാനഡ (ഐആർസിസി).

പ്രവിശ്യാ ഇമിഗ്രേഷൻ ഫലങ്ങൾ സെപ്റ്റംബർ 14-20

ഒൻ്റാറിയോ

സെപ്റ്റംബർ 17-ന്, ഒൻ്റാറിയോ ഇമിഗ്രൻ്റ് നോമിനി പ്രോഗ്രാം (OINP) മാസ്റ്റേഴ്സ് ഗ്രാജ്വേറ്റ്, പിഎച്ച്ഡി ഗ്രാജ്വേറ്റ്സ് സ്ട്രീമുകളിലെ ഉദ്യോഗാർത്ഥികൾക്ക് ഇൻവിറ്റേഷൻ നൽകി. സിആർഎസ് സ്കോർ 53 അല്ലെങ്കിൽ അതിൽ കൂടുതലുള്ള 1,249 മാസ്റ്റേഴ്സ് ഗ്രാജ്വേറ്റ് കാൻഡിഡേറ്റുകൾക്കും, സ്കോർ 45 അല്ലെങ്കിൽ അതിൽ കൂടുതലുള്ള194 എണ്ണം പിഎച്ച്ഡി ബിരുദധാരികൾക്കുമാണ് ഇൻവിറ്റേഷൻ നൽകിയത്.
മുൻഗണനാ തൊഴിലുകളിൽ 1,424 ഉദ്യോഗാർത്ഥികൾക്കായി 505-528 CRS സ്കോർ ഉള്ള OINP-യുടെ എക്സ്പ്രസ് എൻട്രി ഹ്യൂമൻ ക്യാപിറ്റൽ പ്രയോറിറ്റീസ് സ്ട്രീമിലുള്ളവർക്കായി സെപ്തംബർ 19-ന് മറ്റൊരു പ്രവിശ്യ നറുക്കെടുപ്പ് നടത്തി.

ബ്രിട്ടീഷ് കൊളംബിയ

സെപ്റ്റംബർ 17-ന് നറുക്കെടുപ്പിലൂടെ ബ്രിട്ടീഷ് കൊളംബിയ പ്രൊവിൻഷ്യൽ നോമിനി പ്രോഗ്രാമും (ബിസി പിഎൻപി) 163-ലധികം ഉദ്യോഗാർത്ഥികൾക്ക് ഇൻവിറ്റേഷൻ നൽകി.
ഏറ്റവും വലിയ നറുക്കെടുപ്പിൽ BC PNP-യുടെ സ്കിൽഡ് വർക്കർ, ഇൻ്റർനാഷണൽ ഗ്രാജ്വേറ്റ്, എൻട്രി ലെവൽ, സെമി-സ്‌കിൽഡ് സ്ട്രീമുകളിൽ നിന്നായി പൊതു നറുക്കെടുപ്പാണ് നടത്തിയത്. സ്കിൽഡ് വർക്കർ തൊഴിലാളികൾക്കും ഇൻ്റർനാഷണൽ ഗ്രാജ്വേറ്റ് കാൻഡിഡേറ്റുകൾക്കും (എക്സ്പ്രസ് എൻട്രി ബിസിക്ക് യോഗ്യതയുള്ളവ ഉൾപ്പെടെ രണ്ട് സ്ട്രീമുകളും) കുറഞ്ഞത് 128 സ്കോർ ആവശ്യമാണ്.
എൻട്രി ലെവൽ, സെമി സ്‌കിൽഡ് വർക്കർ സ്ട്രീമിലുള്ളവർക്ക് പരിഗണിക്കാൻ കുറഞ്ഞത് 110 സ്‌കോർ ആവശ്യമാണ്. പ്രത്യേക തൊഴിലുകളിലെ ഉദ്യോഗാർത്ഥികളെ ലക്ഷ്യമിട്ട് വിദഗ്‌ദ്ധ തൊഴിലാളികൾക്കും അന്തർദേശീയ ബിരുദധാരികൾക്കുമുള്ള മറ്റൊരു മൂന്ന് നറുക്കെടുപ്പുകൾ നടത്തി.
ചൈൽഡ് കെയർ ജോലികളിൽ കുറഞ്ഞത് 83 സ്‌കോർ ഉള്ള 43 ഉദ്യോഗാർത്ഥികൾക്കും,നിർമ്മാണ ജോലികളിൽ കുറഞ്ഞത് 89 സ്‌കോർ ഉള്ള 29 ഉദ്യോഗാർത്ഥികൾക്കും, ആരോഗ്യ പരിപാലന ജോലികളിൽ കുറഞ്ഞത് 99 സ്‌കോർ ഉള്ള 29 ഉദ്യോഗാർത്ഥികൾക്കും ഇൻവിറ്റേഷൻ നൽകി.

ക്യുബെക്ക്

സെപ്തംബർ 5-ന് നടന്ന ക്യുബെക്ക് സ്കിൽഡ് വർക്കർ പ്രോഗ്രാമിനായുള്ള പ്രൊവിൻഷ്യൽ സെലക്ഷൻ നറുക്കെടുപ്പിൻ്റെ ഫലങ്ങൾ പ്രസിദ്ധീകരിച്ചു. കുറഞ്ഞത് 575 പോയിൻ്റുള്ള 1,417 ഉദ്യോഗാർത്ഥികൾക്ക് ഇൻവിറ്റേഷൻ നൽകി. അതുപോലെ ലെവൽ 7 വാക്കാലുള്ള പ്രാവീണ്യവും ആവശ്യമായിരുന്നു.