പ്രശസ്ത സിനിമ എഡിറ്റർ നിഷാദ് യൂസഫ് അന്തരിച്ചു. ഇന്ന് പുലർച്ചെ രണ്ടോടെ കൊച്ചി പനമ്പള്ളിയിലെ ഫ്ലാറ്റിൽ മരിച്ച നിലയിൽ കണ്ടെത്തുകയായിരുന്നു. നിരവധി മലയാള സിനിമങ്ങളുടെ എഡിറ്ററാണ്.
ആത്മഹത്യയെന്നാണ് പ്രാഥമിക നിഗമനം. പോലീസ് സ്ഥലത്തെത്തി. നേരത്തെ ഏഷ്യാനെറ്റ് ന്യൂസിൽ വീഡിയോ എഡിറ്ററായിരുന്നു. അതിന് ശേഷമാണ് സിനിമ രംഗത്തേക്ക് മാറിയത്.
സമകാലിക മലയാള സിനിമയിലെ ശ്രദ്ധേയനായ ചിത്രസംയോജകനാണ് നിഷാദ്. തല്ലുമാല, ഉണ്ട, വൺ, സൗദി വെള്ളക്ക എന്നിവ ജനശ്രദ്ധ നേടിയ പ്രധാന ചിത്രങ്ങളാണ്. 2022-ൽ തല്ലുമാലയുടെ എഡിറ്റിങിന് മികച്ച എഡിറ്റർക്കുള്ള സംസ്ഥാന അവാർഡ് ലഭിച്ചിരുന്നു.