പലിശ നിരക്ക് വീണ്ടും വെട്ടിക്കുറച്ച് ബാങ്ക് ഓഫ് കാനഡ. ഈ വർഷത്തെ അവസാന നിരക്ക് പ്രാപനത്തിൽ അര ശതമാണ് കുറവ് വരുത്തിയിരിക്കുന്നത്. ഇതോടെ സെൻട്രൽ ബാങ്കിൻ്റെ പ്രധാന പലിശ നിരക്ക് 3.25 ശതമാനമായി. ബാങ്ക് ഓഫ് കാനഡ പലിശ നിരക്ക് വീണ്ടും കുറയ്ക്കുമെന്ന് സാമ്പത്തിക വിദ​ഗ്ധർ വ്യക്തമാക്കിയിരുന്നു.
പണപ്പെരുപ്പം രണ്ട് ശതമാനത്തിലെത്തിക്കുന്നതിനായി ബാങ്ക് ഓഫ് കാനഡ അതിൻ്റെ പ്രധാന പലിശ നിരക്ക് ഒക്ടോബറിൽ അര ശതമാനം കുറച്ചിരുന്നു.

പലിശനിരക്ക് കുറഞ്ഞതിന്റെ ഫലമായി ഉപഭോക്തൃ ചെലവുകളും ഭവന പ്രവർത്തനങ്ങളും ഉയർന്നതായി ​ഗവർണർ ടിഫ് മക്ലെം പറഞ്ഞു.
പലിശ നിരക്ക് കുറയ്ക്കുന്നതിനുള്ള മറ്റൊരു ഘടകം കാനഡയുടെ തൊഴിലില്ലായ്മ നിരക്ക് നവംബറിൽ 6.8 ശതമാനമായി ഉയർന്നതാണ്, കാരണം ജോലി അന്വേഷിക്കുന്നവരുടെ എണ്ണം ജോലിയുടെ എണ്ണത്തേക്കാൾ വേഗത്തിൽ വർദ്ധിച്ചുവെന്ന് ബാങ്ക് പറയുന്നു. കാനഡയിലെ യുവാക്കൾക്കും പുതുതായി വരുന്നവർക്കും ജോലി കണ്ടെത്തുന്നത് വളരെ ബുദ്ധിമുട്ടാണെന്ന് അദ്ദേഹം പറഞ്ഞു.
ഫെഡറൽ ഗവൺമെൻ്റിൻ്റെ ഇമിഗ്രേഷൻ നയത്തിലെ ഗണ്യമായ മാറ്റം രാജ്യത്തെ ജനസംഖ്യാ വളർച്ചയെ ശാന്തമാക്കി, ചില സ്വകാര്യ മേഖലയിലെ സാമ്പത്തിക വിദഗ്ധർ ഇത് വരും മാസങ്ങളിൽ തൊഴിലില്ലായ്മയെ കൂടുതൽ ഉയർത്തുമെന്ന് വിശ്വസിക്കുന്നു.“തൊഴിലില്ലായ്മ നിരക്ക് ഇനിയും ഉയരുമെന്ന് ഞങ്ങൾ പ്രതീക്ഷിക്കുന്നു, അടുത്ത വർഷത്തിൻ്റെ ആദ്യ പാദത്തിൽ ശരാശരി 7 ശതമാനമായിരിക്കും, ബിഎംഒയുടെ ചീഫ് ഇക്കണോമിസ്റ്റ് ഡഗ്ലസ് പോർട്ടർ പറയുന്നു.