1993 ന് ശേഷം ആദ്യമായി നാടുകടത്തൽ ഫീസിൽ മറ്റം വരുത്താനൊരുങ്ങി കാനഡ. വിമാന നിരക്ക്, അഭിമുഖങ്ങൾ, യാത്രാ രേഖകൾ, കേസ് കൈകാര്യം ചെയ്യൽ തുടങ്ങിയ കാര്യങ്ങൾ ഉൾപ്പെടുന്ന നാടുകടത്തൽ പ്രക്രിയയുടെ മുഴുവൻ ചെലവും അടിസ്ഥാനമാക്കിയാണ് പുതിയ ഫീസ്. പുതിയ സംവിധാനത്തിന് കീഴിൽ, നാടുകടത്തപ്പെടുന്നവർ വളരെ ഉയർന്ന തുകകൾ CBSAക്ക് നൽകേണ്ടിവരും, എസ്കോർട്ട് ആവശ്യമുള്ള നാടുകടത്തലുകൾക്ക് ഫീസ് $12,800 വരെയാണ് ഉയരുക. അതിർത്തി സുരക്ഷയും കാനഡയിലെ ഇമിഗ്രേഷൻ സംവിധാനവും മെച്ചപ്പെടുത്തുന്നതിനുള്ള വിപുലമായ പദ്ധതിയുടെ ഭാഗമാണ് ഫീസ് വർദ്ധനയെന്ന് പൊതുസുരക്ഷാ മന്ത്രി ഡേവിഡ് മെക്കൻ്റി വ്യക്തമാക്കി. മെക്സിക്കോയിൽ നിന്നുള്ള സന്ദർശകർക്ക് വിസ നൽകുന്നതുമായി ബന്ധപ്പെട്ട കാര്യങ്ങള്‌ അടുത്തിടെ തിരികെ കൊണ്ടുവന്നതായും, പല പ്രവേശന പോയിന്റുകളിലും അതിർത്തി കടന്നുള്ള സമയം ക്രമീകരിച്ചതായും അദ്ദേഹം പരാമർശിച്ചു. കാനഡയും യുഎസും തമ്മിലുള്ള ശക്തമായ സുരക്ഷാ പങ്കാളിത്തവും ഡേവിഡ് മെക്കൻ്റി ഊന്നിപ്പറഞ്ഞു,. ഇത് ഇരു രാജ്യങ്ങളെയും സുരക്ഷിതമായി നിലനിർത്താൻ സഹായിക്കുന്നുവെന്ന് അദ്ദേഹം വ്യക്തമാക്കി. കാനഡയുടെ അതിർത്തികളും കുടിയേറ്റ സംവിധാനവും കൂടുതൽ ശക്തമാക്കുന്നതിനുള്ള ഒരു വലിയ പദ്ധതിയുടെ ഭാഗമാണ് നാടുകടത്തൽ ഫീസ് വർധനവെന്ന് മെക്കൻ്റി പറഞ്ഞു.
കാനഡയിൽ എന്തുകൊണ്ട് താമസിക്കാൻ കഴിയില്ല എന്നതിനെക്കുറിച്ചുള്ള ഒരു റിപ്പോർട്ടോടെയാണ് സിബിഎസ്എയുടെ നാടുകടത്തൽ പ്രക്രിയ ആരംഭിക്കുന്നത്, തുടർന്ന് അവരെ നാടുകടത്തണോ വേണ്ടയോ എന്ന് തീരുമാനിക്കുന്നതിനുള്ള ഒരു ഹിയറിംഗും നടത്തും. സിബിഎസ്എയുടെ തീരുമാനത്തെ വെല്ലുവിളിക്കാൻ ആളുകൾക്ക് അവകാശമുണ്ട്,. നീക്കം ചെയ്യൽ ഉത്തരവുകളിൽ അപ്പീൽ വ്യക്തികൾക്ക് അവകാശമുണ്ട്. നാടുകടത്തപ്പെടുന്ന ആളുകളിൽ നിന്ന് ഓരോ വർഷവും സിബിഎസ്എ ഏകദേശം 4,97,100 ഡോളർ ശേഖരിക്കുമെന്നാണ് പ്രതീക്ഷിക്കുന്നത്.