കാനഡയിലെ ഫെഡറൽ മിനിമം വേതനം മൂന്ന് മാസത്തിനുള്ളിൽ വർധിപ്പിക്കും. പണപ്പെരുപ്പത്തിന് അനുസൃതമായി പ്രതിവർഷം ഏപ്രിൽ 1 നാണ് മണിക്കൂർ വേതനം നടപ്പിലാക്കുന്നത്. കഴിഞ്ഞ വർഷം മണിക്കൂർ മിനിമം വേതനം 16.65 ഡോളറിൽ നിന്ന് 17.30 ഡോളറായി സർക്കാർ ഉയർത്തിയിരുന്നു.
ബാങ്കുകൾ, ടെലികമ്മ്യൂണിക്കേഷൻ കമ്പനികൾ, ഇൻ്റർപ്രവിശ്യാ എയർ, മറൈൻ, റെയിൽ, റോഡ് ഗതാഗതം തുടങ്ങിയ ബിസിനസുകൾ ഉൾപ്പെടെ, ഫെഡറൽ നിയന്ത്രിത സ്വകാര്യ മേഖലയിൽ ജോലി ചെയ്യുന്ന ജീവനക്കാർക്കും ഇൻ്റേണുകൾക്കും ഫെഡറൽ മിനിമം വേതനം ബാധകമാണ്.
മിനിമം വേതന വർധന മുൻ വർഷത്തെ ഉപഭോക്തൃ വില സൂചികയുടെ (CPI) ശരാശരിയെ അടിസ്ഥാനമാക്കിയാണ് തീരുമാനിക്കുന്നത്. ഫെഡറൽ മിനിമം വേതനം എത്രത്തോളം വർധിക്കുമെന്ന് ജനുവരി 21-ന് അറിയാം.
മണിക്കൂറിന് വേതനം ഏകദേശം 17.70 ഡോളറായി ഉയർത്തുമെന്ന് കനേഡിയൻ നിയമ, ഇമിഗ്രേഷൻ സ്ഥാപനങ്ങൾ വ്യക്തമാക്കിയിട്ടുണ്ട്.
പുതിയ മിനിമം വേതനം 2025 ഏപ്രിൽ 1-ന് മുമ്പ് സർക്കാരിൻ്റെ ലേബർ പ്രോഗ്രാം വെബ്‌സൈറ്റിൽ പ്രസിദ്ധീകരിക്കും.