കനേഡിയൻ ബാങ്ക് ഓഫ് കാനഡ പലിശ നിരക്ക് കുറയ്ക്കുമെന്ന് പ്രതീക്ഷിക്കുന്നതിനാൽ 2024-ൽ ടൊറന്റോയിൽ ഭവന വിൽപന വീണ്ടും ഉയർന്നേക്കുമെന്ന് സാമ്പത്തിക വിദഗ്ധർ. കുതിച്ചുയർന്ന കടവും വിലയും, സാമ്പത്തിക അനിശ്ചിതത്വവും 2023-ൽ GTA-യിലെ നിരവധി വീട്ടുകാർ വീട് വാങ്ങുന്നതിൽ നിന്ന് വിട്ടുനിൽക്കാൻ കാരണമായിട്ടുണ്ട്. പലിശ നിരക്കുകൾ കുറയുമെന്ന് ആളുകൾ വിശ്വസിക്കാൻ തുടങ്ങിയാലുടൻ, വിപണിയിൽ ശ്രദ്ധേയമായ ചലനം കാണാൻ തുടങ്ങും.നിരക്ക് വെട്ടിക്കുറയ്‌ക്കുന്നതിനെക്കുറിച്ചുള്ള അഭ്യൂഹങ്ങൾ വിപണിയിൽ സ്വാധീനം ചെലുത്തിയേക്കുമെന്നും ടൊറന്റോ റീജിയണൽ റിയൽ എസ്റ്റേറ്റ് ബോർഡിന്റെ (TRREB) ചീഫ് മാർക്കറ്റ് അനലിസ്റ്റ് ജാസൺ മെർസർ പറഞ്ഞു. 2022 നവംബറിനെ അപേക്ഷിച്ച് 2023 നവംബറിൽ ഗ്രേറ്റർ ടൊറന്റോ ഭവന വിൽപ്പന ആറ് ശതമാനം കുറഞ്ഞു. ഒക്ടോബറിനെ അപേക്ഷിച്ച് അത് 8.7 ശതമാനം കുറഞ്ഞതായി TREBB ഏറ്റവും പുതിയ ഡാറ്റ പറയുന്നു. 2023-ന്റെ ഭൂരിഭാഗം സമയത്തും വിൽപ്പന 20 വർഷത്തെ ഏറ്റവും താഴ്ന്ന നിലയിലായിരുന്നു.നവംബറിലെ ടൊറന്റോയിലെ വീടിന്റെ ശരാശരി വില $1,082,179 ആയിരുന്നു. ബാങ്ക് ഓഫ് കാനഡയുടെ ആദ്യ പലിശ വർദ്ധനയ്ക്ക് മുമ്പ്, 2022 ഫെബ്രുവരിയിൽ ടൊറന്റോയിലെ ഒരു വീടിന്റെ ശരാശരി വില 1,334,062 ഡോളറിലെത്തിയിരുന്നു. ഡിസംബറിൽ, പണപ്പെരുപ്പത്തെ ചെറുക്കുന്നതിനുള്ള കാമ്പെയ്‌നിന്റെ ഭാഗമായി ബാങ്ക് ഓഫ് കാനഡ അതിന്റെ പ്രധാന പലിശ നിരക്ക് തുടർച്ചയായി മൂന്നാം തവണയും അഞ്ച് ശതമാനമായി നിലനിർത്തിയിരുന്നു. 2024-ൽ സെൻട്രൽ ബാങ്ക് നിരക്ക് കുറയ്ക്കാൻ തുടങ്ങുമെന്ന് വിദഗ്ധർ പ്രതീക്ഷിക്കുന്നു.